اللغز

كان كاتب اللغز الماضي الشاعر احمد بن ناصر المحرج من الرياض والحل يقتبس من الامثال الشعبية ويقول
دوكم جديد اللغز يا نسل شمر
ثم انشره لضيوفنا فالخزامى
شي قديم حيل شكله معمر
قالوه من قبل الرجال القدامى
اليا بغيت يصير شغلك مثمر
وترتاح في عيشتك دوم الدواما
انشد قبل ياصاحبي لاتدمر
عن راعيتها كان تدرا الملاما
وقد توصل للحل شعرا:
قولو لبو ناصر عسى دربك اخضر
ولا ينخدع بالزين ولا الاساما
دور القرى قلتلك وافتر فالبر
من شان تلقى من عليه الكلاما
سعد صنهات السهلي الدرعيه
ان كان ناوي بيت عشك تعمر
للي بغيت تضمها للحيامى
انشد عن ام البنت بالك تذمر
قول ٍ مثلْ لا شك فيه السلامى
مقرن بن متعب الهرف-الرياض
اليا بغيت تناسب أحدن تخير
واحرص على بيت الشرف والشهاما
تربح هنوف تربي اعيالها تسر
ويصير لك في المجد شأن ومقاما
عبداللطيف الحُمَيَّانِي - عنيزة
تسمعوا الحل يانسل شمر
واللغز واضح مايبي له كلاما
انشد عن ام البنت بالمدن والبر
هذا كلام اجدادنا والعماما
ترى النواصي فيهن الخير والشر
أحد لهن يرتاح واحد عداما
حبيب فريح الشامي - البدائع
يا احمد المحرج سلامك يذمر
كلام طيب من جميل الكلاما
أنشد عن امه في سؤال مكرر
من قبل لا تربط خيوط الحزامى
علي رشيد الرشيد - رياض الخبراء
صفحة خزامى كل يوم تطور
وتجدد الموضوع طبع الكرامى
لعزك مثل دارج ودائم يكرر
ينشد عن ام البنت قبل المدامى
محمد أبو دحيم - البدائع
لغز الأسبوع
كتبه للصفحة الشاعرحبيب الشامي من البدائع ويقول
أنشدك عن رجال في وسط رجال
الجسم واحد والأسامي بها فرق
كل يعرفه مابها شك وجدال
ياكثر والله مانشوفه على الطرق
نستقبل الحلول عبر الايميل:
rb-khozama@alriyadh.com
أو الفاكس: 0114871070
كما نرحب بطرح الألغاز الجيدة