واقلبي اللي بنت ابوها غدت به

اقفت وخلتني هبيل بلياه
ياليتها يوم لعبت فيه جت به
ادوره بين المعاليق والقاه
انا بلايه كان ماعودت به
ياويل قلبي من هكا البنت ويلاه
تذبح برمش العين لاسلهمت به
يضفي على خدن عن الشوف غطاه
تمشي بقد بالمحافل زهت به
يزهى جديد اللبس واللبس يزهاه
يختل راع الدين ياناظرت به
لوهو مطوع يختلف عن مصلاه
ولو ان عادي شافها بهذلت به
لوجاه حل اللغز ماعرف معناه
وفهد ابن طويان لوفكرت به
لوشافها محدن درى وين مضواه
وعلي ابن رشيد ماقصرت به
وابودحيم بالبدايع تبلاه
ولوشافها ياسر زمان كشتت به
ماشيف بالاعلام والشعر خلاه
وجدي عليها وجد من علقت به
ثبت لها السرعه وزادت بممشاه
من العاصمه يم الحفر زوعت به
ياقف لها جيب المرور وتعداه
اما تقلب فيه ولا صدمت به
راحت حياته بالخطر والبلا جاه
او وجد راعي ددسن غرزت به
في ديرتن مافيها اوادم. . ومضماه
ضيع طريقه وانتحت وابعدت به
لوصاح وينادي محد يسمع نداه
الوضع ي الشعار ماينسكت به
والكل منكم بنت ابوها تحداه
يقولها اللي حبها مادرت به
عاشق ولاجت له على ماتمناه
محتار وسهوم المحبه سطت به
يصير مثل اللي نقل داه برداه
زبن مقبل العنزي - بريده