بعد الأحباب

الحب ناراً يوقده بعد الأحباب
ناراً بقلبٍ في يديهم ولاعه
أقفت ركاب الوصل والقلب منصاب
وأمسيت لهموم الليالي طماعه
غابت وعني طيفها مابعد غاب
خلت صورها في خيالي وداعه
والوقت في غيباتهم شفتله ناب
بين بقلبٍ بعد الأحباب راعه
ينهشني القاسي كما نهشت الداب
بحر الهموم اليوم زاد ارتفاعه
فكراً لبس من همه الكاسر اثياب
لين الزمن في سوق الأحزان باعه
وقتٍ درقنا ماحسبنا له حساب
لين انكشف ماكان يخفي قناعه
مايرحم اللي عايشٍ عيشة أغراب
فيها اللقا للصد سلّم شراعه
لكن شموخه نازل جبال ماهاب
لو ماخذا من وقته إلا القناعه