سمي الورد

بعد سمي الورد مال الندى ذوق
ولال الشذا الفواح بعده حسوفه
ومن طاح مايرجع لكن دمعة الموق
لو كان طاحت من غلاه امخلوفه
إن غاب ياخذني على ذكره الشوق
وليا حضر منه النظر زاد شوفه
والقلب غيره مارتع فيه مخلوق
ألا عباراته .. ورّقة حروفه
وان قلت له قلبي من الوجد محروق
لانّه معه واخاف يحرق كفوفه
صار العتب من سبة ابيات طاروق
بغيتها(شيله) وجات معزوفه
يبشر بما يرضيه والامر ملحوق
وليا رضا المعروف صار معروفه
من كثر ستره مافضح ليله ابروق
ايه اعرف اخلاقه ولا اعرف وصوفه
من عزوةٍ رجّالهم نظرته فوق
يواجه اخصامه ويكرم ضيوفه
كل الشجر مثل النخل يثمر اعذوق
لكن من مثل النخل في وقوفه؟