حققت ما لا يحقق رغم صعب الظروف

مرحوم يا خادم البيتين رجل السلام
ياصاحب القلب الأبيض ياالحنون العطوف
الله يجعلك في قبرك هني المنام
ومنزلك جنات عدنً دانيات القطوف
رقيت بالمملكة حتى لمست الغمام
وارويتها لين صارت مثل لون الهنوف
عبرت به بين صلفات المحن والظلام
وبحكمتك حضرت بمقدمات الصفوف
قايد سياسي محنك فعل ما هو كلام
حققت ما لا يحقق رغم صعب الظروف
الشعب كله يحبك حب حتى الهيام
خص الارامل مع الايتام هم والضعوف
لانك عليهم حريص ودايم الاهتمام
بذلت واعطيت في يمناك شتى الصنوف
خدمت طيبة ومسجدها وبيت الحرام
خدمة جليلة لناصيها ومن جاء يطوف
واعمالك الخيرة تشهد عليها الانام
عن عدها تعجز الاقلام هي والحروف
يالله عساها شفيعه لك بيوم الزحام
يوم(ن) كلن يعدي صاحبه ما يشوف
لكن عزانا عقب فقدك ببدر التمام
سلمان ريف الهجافى لا بلتها الحتوف
سلمان سلمان يوم انه تعلى السنام
العز رفرف وغنى ثم صفق بالكفوف
في مقدمه سيدي غيث(ن) يزيل العسام
اروى الوطن من بحر جده لحد الهفوف
صب العطاء من يمينه يوم جاها شمام
واصدر مراسيم خير(ن) بالمواطن تروف
وعلى يمينه قوي الباس شذر الحسام
ابو فهد والتواضع فيه زين الوصوف
وسليل نايف محمد يوم شد الحزام
خلى المواطن ينام بمسكنه دون خوف
لكم علينا الولاء والسمع والاحترام
على كتاب الله وسنة نبيه وقوف
حرب(ن) على من حربكم للمسالم سلام
وللدار درعنً حصينة ماعلينا كلوف
واختامها يالله الخالق رفيع المقام
تنزل فقيد الوطن في دانيات القطوف
شعر خالد بن محمد العقيلي بن رمال