عساه في جنةٍ من رب مرضيه

يا الحزن لك في وجيه الشعب ماريه
وانا عيوني بحر الدمع هماله
على فقيدٍ نحبه ما خلق زيه
انعزي النفس قبل نعزي عياله
شخصيةٍ ماتشابه كل شخصيه
عبدالله اللي فخرنا ميلة اعقاله
يا روضة اخريم عدي فيه مرثيه
في الي فقدتيه في حله وترحاله
ياما فرحتي بشوفه لاعلن الجيه
والنا ومن جاك تحت احماه وظلاله
واليوم قفتبه الدنيا الشقاويه
هذا مشبه وذا مركاه ودلاله
عساه في جنةٍ من رب مرضيه
يا واحدٍ كلنا نرجيه وانساله
والحمد الله بيوت العز مبنيه
الحكم مصيون من جاله الى جاله
في كف سلمان فخرن لسعوديه
الحكم والمجد يزهالك وتزهاله
الحاكم اللي على عرش الملوكيه
اللى عليه المواطن علق اماله
سلمان له وقفةٍ ماهيب عاديه
الخير في مقدمه والعز يبراله
انبايعه بيعةٍ من صادق النيه
ايو الله نبايعه واناصر امثاله
في بيعةٍ معلنه ماهيب سريه
ورقابنا للولاء والعهد شياله
واجدادنا ناصروا حكم السعوديه
في حكم عبدالعزيز وبعده اعياله