ياالله عساه بجنة الخلد عساه

مرحوم يارجلٍ فجعنا رحيله
الشعب كله بات سهران ينعاه
واصبح حزين وشاحبٍ عقب ليله
بالحيل متكدر من اقصاه لقصاه
على حبيب الشعب يفجع عويله
صغيرهم واللي به الشيب غطاه
لوسالت الوديان هي والمسيله
بدموعهم ماجت بكفة عطاياه
الحاكم العادل وصوفه قليله
عبد الله اللي تنفق الخير يمناه
رجل التآخي والسخاء والجميله
رجل التسامح والعدل والمساواه
عشر اسنوات وفي نظرهم قليله
ياالله عساه بجنة الخلد عساه
رجل المواقف والعطايا الجزيله
عون الضعيف اللي زمانه تحداه
حتى الصغيرمن السخاء ينحنيله
ويمسح دموعه طاهرالقلب يبداه
وان جاه راعي حاجةٍ يشتكيله
عانه بطيبة قلب ماهي مراءاه
ويوم الزناد مقربٍ للفتيله
بين العرب بان الخطرفيه غوغاه
بحنكه وطيب مشبعه بالصميله
سعى بجهده بينهم بالمواخاه
لولاه بعد الله مامن عقيله
راحت غنائم بين سرقان وطغاه
وقرب ارجال العلم وأهل الفضيله
بعد المشوره رايهم ياخذ ازكاه
وطور حرم مكه وزاد تعديله
تشهد له الكعبه وسوره ومسعاه
عساه في روض الجنان الظليله
يالله تقبل وقفة الشعب ودعاه
مامات من خلف شجاعٍ بديله
الطبع طبعه والسجايا سجاياه
سلمان لأثقل الحمل يرتكيله
حكيم حاكم والدها من مزاياه
النهج واحد والمواقف نبيله
اليا هواء نجمٍ بداء نجمٍ حلياه
ومقرن عضيده في المهمه وكيله
اليا صعبت القالات رمحه وشلفاه
وسيفين أخذهم من سيوفٍ صقيله
حسب الثقه ماعينوا بالمحاباه
(محمدين) من الحرار الأصيله
احفاد من سيس ومن جود ابناه
عبد العزيز مسوي المستحيله
يوم التناحر والجهل والمعاناه
موسم بن سفر القثامي