فقيد الأمة كل الأقطار تنعاه

في ليلة الجمعه بوقت المناجاه
صوت الخبر زلزل هزيم الرعودي
جاء البيان وحد دمعي على اقصاه
ومواكب الاحزان جتني وفودي
قالوا الملك ودع وطنا لمثواه
وموادعه هز الكيان السعودي
صقر العروبه ماكره فوق مرباه
ماهد عنه ولو طوته اللحودي
هذا ابومتعب ذرى الشعب ودواه
لا اشتدت الغمه وضاق الوجودي
فقيد الامه كل الاقطار تنعاه
حكامها وشعوبها والجنودي
مرحوم ياللي صعب الايام تمحاه
افعالك البيضا لعهدك شهودي
علق لها التاريخ في العز مشكاه
على هداها كل نجم يزودي
لولا عيال العود من طيب مجناه
نسل الفهود مطوعين الفهودي
لا اسوق ونه والحق الونه بأه
على فراقك ياعريب الجدودي
علمتنا نصبر ولا قول ويلاه
علمتنا نبذل كبار الجهودي
ياابو الوطن والشعب والخير والجاه
ودعت شعبك والموارد عدودي
نشرب ولانحسب لمن كدرو ماه
وتطاول يدينا كبار الحدودي
الى السما نرسل دعانا ومعناه
يارب ياوافي بكل الوعودي
يامن وعود الخلق في كف يمناه
وعليه دعوات الخلايق تعودي
تنزل ملكنا منزل كم تمناه
في جنة الفردوس طول الوجودي
حنان الفهمي