صوت الصورة

مروج خضرا كنك بغرب باريس
والا جنوب الصين وجبال لبنان
هذا من اللي يعطي الخير ما قيس
ربٍ رزقنا عالي القدر والشأن
عبدالكريم النغيمشي - لوذة
الحمد لك يا منزل الغيث والخير
أكرمتنا بهاني الحياة المريفه
سلطان بن مترك لك الشكر تقدير
عن صورةٍ أهديتها للصحيفه
أرضٍ زهت في عشبها والنواوير
تجذب هواة أهل الحياة النظيفه
فيها الإبل ترعى ويسرح بها الطير
من زارها عاف القصور المنيفه
ناصر جمعان آل عوض - وادي الدواسر
عز الله إن الخير موجود برّا
يا ليتني بالبر واكْحل عيوني
هذي بعارين العرب ما تورّا
ثمان ترعى مع تخطٍ بهوني
يا حظ من بيته بوسطه مقرّا
يشم ريح النفل والزيزفوني
عبد العزيز الصالح - القصب
هذا الربيع اللي له النفس ترتاح
بساطٍ خضر من فوق رمل ونفودي
أنا أشهد انه يبرد الكبد وجراح
مدّ النظر يا هو علاج الكبودي
ياما حلا ريح الخزامى إلى فاح
من عقب رش للمطر والرعودي
القلب لا شاف البراري بينساح
ويستانس بشوف المرابع بزودي
عثمان إبراهيم الرشيد - الرياض
زانت أراضينا تغطت بالأعشاب
وهذا بفضل الله واليوم شفناه
ثم ابتدا العربان من كل الأقطاب
لأجل الربيع اللي على الخد غطاه
تجمعوا مابين أخوان وأقراب
جواً يسر القلب والكل يهناه
محمد عبدالعزيز الخنيفر - أشيقر
حلو الطبيعه يزيل الباس
من خير ربي لكل الناس
والبل ترعى من البسباس
في روضةٍ تطرب الجلاس
مع صقعة النجر والمحماس
صوته يطير اعماس
عبدالكريم عبدالرحمن السالم - القرائن
بعض المناظر شوفها لك يسرا
ينقلك من جواً إلى جو ثاني
ودّك تحصلك مكان ومقرا
ينسيك همٍ من هموم الزماني
وبعض المناظر لا لخيره تحرا
لا تقبل لنفسك مكان الطماني
غنام مسعود القريني - نعام
ربيع وخير .. والجو العليل
وكل يحب الخير في كل البقاع
والبراري جوها أصبح جميل
مع ربوعك حسينين الطباع
يا عسى بلاد الفخر دايم تسيل
ثم يعم بلادنا كل القطاع
ريان محمد الخنيفر
منظر خيالي ما يجي لك على البال
يشوق عين اللي كشت وجهة البر
هني منهو يالربع عاش هالحال
تسمن معاويده ويكسب ويتجر
خالد ناصر المخيمر - روضة سدير
تبارك الرحمن وش ذا المناظر
تجسدت ما بين نبت وبعارين
كن الرواسي خيام بدو وحواضر
مبنية في عشب ورد التلاوين
واللي يبي الراحة يجيه ويناظر
ابداع صنع الله في موقعٍ زين
سعود عبدالعزيز الهزاع – نعام
مربعاتٍ بين حليت وسدير
غربي من وادي الرشا وارداتي
عسى السحاب اللي مزونه مزابير
يسقي ديارٍ للعرب ممحلاتي
بدر الحزيمي
صورة العدد السابق
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
أو الفاكس رقم: 0114871070
ويا هلا..