محاورة

حبيب العازمي
مساء الخير ياجمعٍ تجمع على خير
مساء الخير يامن جمع الجمع كله
ليا فاح هيلك يالدلال المباهير
يكفي حكيم الراي فنجال دله
راشد السحيمي
مساء الخير ياروس الرجال المناعير
يقولون مايكرم رجل في محله
أعرف المحاله و الرشاء و أعرف البير
و كلٍ ضميره ياحبيب يدله
حبيب العازمي
ابو زيد يلقى له كرامه و تقدير
و عياء يحصله بلد يستحله
و ألا يالحروب البحر كله بوابير
و بابوركم وسط البحر وش حصله
راشد السحيمي
أبو زيد دايم له على الناس تأثير
و لكن هاذي سالفه مستقله
خبير البحر دايم يميز عن الغير
و بابورنا للساع مافيه خله
حبيب العازمي
ختام المعارك معركة سالم الزير
و لاعاقها إلا صورتك فالمجله
مقادير ياحظ السحيمي مقادير
يطب البحر و البحر عياء يبله
راشد السحيمي
ليا الساع باقي معركة خير ياطير
يقولون لا طال الولد طال ظله
لك الله ما ادور عن لزومي معاذير
ليا ضاق صدرك باقي الدمع هله
حبيب العازمي
غصون الشجر مافوقها إلا العصافير
لايمكن يوقع فوقها الحر لله
عميل البنوك اللي يسدد فواتير
يضيع طريق البنك و إلا يدله
راشد السحيمي
ترى التحلية ماغشها إلا المواصير
يقولون مضبوطه و أنا أقول لله
ترى وضعكم يحتاج وقفه و تفكير
و لايعرف البصمات غير الادله
حبيب العازمي
عيال اليهود محللين الخنازير
يقولون للخنزير كبسه و فله
ليا قلت راشد صفقوا ياجماهير
أظنه يكملي حساب الأهله
راشد السحيمي
عيال اليهود مغيريت المعايير
أنا أقول عله نازله فوق عله