بمناسبة اليوم الوطني

بسم الله اللي دبر الكون بقياس
ومقسم الأرزاق بين العبادي
ارست كلمات الوفا فوق قرطاس
من خاطر صافي سليم الفوادي
للي فعاله كلها ترفع الرأس
عزّ العرب دايم نصير المنادي
ملك القلوب اللي يحبونه الناس
حتى النصارى والعجم والأعادي
عاش المليك اللي بني المجد للناس
يعيش أبو متعب كمام المعادي
صان الوطن من كل غادر ودساس
وشيّد صروح العلم في كل نادي
وعم الرخاء والأمن في كل متراس
في المدن والصحراء وكل البوادي
يا لله يا من رد يوسف بعد ياس
ونور بصر يعقوب بعد الفقادي
تحفظ ملكنا هو وشعبه من البأس
ومن كل عجات الفتن والنكادي
وتحفظ وطنا من خبيثين الأجناس
اللي يثيرون الشغب والفسادي
وبشراك يا طيبة لفاك أبرك الناس
وارسى مشاريع الهدى والرشادي
عم الفرح طيبة من الساس لرأس
بقدوكم نالت بلوغ المرادي
وعيد الوطن عزًا وفخرًا ونوماس
عادت وكل اعماركم في ازدياي
ولأميرنا المحبوب تاج على الرأس
اللي خدم طيبة بكل اجتهادي
أبيات نهديها بتقدير واحساس
تنصي لأبو متعب ربيع البلادي
وصلاة ربي على ما هب نسناس
على النبي المصطفى خير هادي
عيد بن محمد العلاطي -
لمدينة المنورة