سلطان الهاجري سلام الله عليكم واسمعوا هالقاف يا الجمهور وأنا عيني على قطب اليمن والقلب في الشّامي ألا يا صاحبي فالح نقا يا الشاعر المشهور تهيض والطريق السمح قدامك وقدامي فالح الغنامي هلا يامرحبا ترحيبٍ أوضح من شعاع النور وعسا العين السليمة ماتضيع درب الاقدامي تقوله وانت يا سلطان شاعر ماعليك قصور تثمن وقفتك سود الليال وبيض الايامي سلطان الهاجري قطعنا الحبل يا فالح نشب طابور في طابور عقدنا الحبل يا فالح بلشنا بين الايتامي يا عساس الحيا وشلون عشب الوادي الممطور عسى ماهو بمثل العام واللي من ورى العامي فالح الغنامي ياسلطان اخذ حذرك وانتبه قبل الرصاص يثور ترى ماهي غريبة ترجع الرمية على الرامي ليا طاح الحيا يابو محمد درّج المظهور نبا نرتاح من دارٍ بها رعيان الاغنامي سلطان الهاجري ألا يابدو ياهل الخيل واهل البيرق المنشور متى بالله تعلمتوا على تفسير الاحلامي عسى الله ما يحرم المسلم المؤمن جنان الحور لو ان الله يقفل بابها عن كل غنامي فالح الغنامي لو أن الكحل ياسلطان ينفع فالعيون العور كريم العين ياخذله ثلاث ايام ما نامي ترا الجنة مهي في يدين عبدٍ منهين مامور وانا ما قول غير الله ينصر دين الاسلامي سلطان الهاجري يحوم الصقر يا فالح ويكسر هيبة العصفور لكن الله يعز الشجرة اللي غصنها نامي يعيش الخيبري ويموت من خابور في خابور وأنا من فضل رب البيت لا جايع ولا ظامي فالح الغنامي ليا كبرتها يابو محمد سدت الحنجور ولكن احمد الله زال تلقا خبز ويدامي حياة الساحل الشرقي على الربيان والهامور وليا قلنا السمك وش فيه قالو ماله عظامي.
