فرحة العيد

العيد عاد بفرحته ياهلا بالعيد
شوق التواصل يلتقي في مصافحته
اقبلت له والشوق وسط الضلوع يزيد
وافراح قلبي باب حزنه مقفلته
اقفت غيوم الحزن في طلته وتحيد
فرحة مشاعر تكتمل في مواجهته
ضحك الشفايا في محيا الوجيه تسيد
روح التواصل نابعه في معايدته..
بين القرابه يشمخ الوصل بالتجديد
وتزهى السعاده كلها في مواصلته
يطري على بال القريب صحيب ابعيد
يكلمه قدام تاصل مكالمته
العيد صفحه ناصعه من وفاها انشيد
الطيب وافي والعلاقات جملته
فرصة تواصل من مقاطعك بالتحديد
قدام لايقفيبك الوقت ماشفته
وعيدك مبارك ياوطن راية التوحيد
يالله عسى فال السعاده معانقته
الله يعيد العيد في فرحته ويعيد
بالخير والافراح تكمل معايدته