حنا عيال الصحابة

لا عاد تستجدي ترى الصوت مسموع
مسموع.. لكن البلا ف الإجابة
أظنها صارت مثل حَبّة الكوع
أو حلم شايب لا تذكر شبابه
أدري واعرف إنك بحاجه وموجوع
ومظلوم ظلمٍ كل واحد درابه
أدري بطعم الظلم لا صار مشروع
لا ضاع حقك وأصبح الكون غابة
وكثرت سهوم الموت ودروعك ضلوع
واعداك واخوانك وجيهٍ تشابه
تموت تحت القصف وإلا من الجوع
وإلا تموت من القهر والكآبة
أدري أكيد تموت والراس مرفوع
حتى لو إنه يندفن في ترابه
أدري.. ولكن تدري الحكي ممنوع
وتدري بعد ما عاد للحق لابة
وأدري بصوت الحق ما عاد مسموع
يمكن نسينا: إنّا عيال الصحابة!