حكاية ..

اكذب عليك إن قلت هذا زماني
لا الصمت يرضيني ولا الوقت مأمول
فيما تبقى للهوى من معاني
أموت يا عمري ولا اعيش مقتول
واللي تناساني وهو ما نساني
له ما عليه ؛ وكف الأيام مغلول
شفني .. وأنا اكبر من جروح المحاني
أنحاز له والشعر بالدمع مبلول
كل الحكاية في النهاية أماني
لين أجتمعنا وافترقنا على طول
كن السهر لو ينسرق في ثواني
حلم يحاصرني وأنا عنه مشغول
ما رحت يا قلبي مع من خذاني
ولا طحت معثور ولا صحت مخذول
والصاحب اللي حط نفسه مكاني
في ذمتي لو قلت: «مدري وش أقول»