هذا الزمن

وطالت تفاكيره وكثرت طروقه
ماهوب من ذكرى ولايف,, ولاشوق
او مغرمٍ يشكي حرارة خفوقه
باسباب ناسٍ كم مشينا بهم فوق
نمشي على رضاهم بنفس رفوقه
لاقدروا معروف,, لا عرفوا حقوق
حتى سلام الله نسيوا حقوقه
والمشكلة حتى تخلوا عن الذوق
صارت خواطرهم علينا محروقة
كلامهم فينا يخايل بنا بروق
ظلمٍ وتطوينا عواتي بروقه
الله,, كم يصفق بها الروح صافوق
حيث انها لكسب المراجل شفوقه
تكفخ كما طيرٍ برجلينه سبوق
وبعض النفوس الحاقدة هي سبوقه
كل ما اقول شوي ويبين شروق
يظهر ظلامٍ صمت فكري يسوقه
وتاخذني الفكرة على سوق منطوق
هذا الزمن صعبه تداوي حروقه
ظلمٍ,,, وبهتانٍ,,, وتفريق,,, وفروق
والطيب المنصف زمانه يبوقه
والناس فيه الناس لو تعرف الذوق
صعبٍ تميز كاذبه من صدوقه
مشعل فايح الشمري