يارب جيتك احج

يا رب انا جيت لك والعين غرقانه
بذنوب مثل الجبال طوال وثقالي
يا رب جيتك وروحي حيل ولهانه
ودي بخير المكان وخير منزالي
يا رب جيتك (احج) بنفس شفقاته
ودي تغفر الذنوب وشر الافعالي
جيتك ابيع الزمان بأرخص أثمانه
وأشري عمل ينفعن في يوم الأهوالي
يوم التغابن يلف العبد سيقانه
ما يدري لجنة أو للنار والصالي
طلبت أنا الجنه (وحجيت) من شانه
واعوذ بك من جحيم وشرها البالي
جيتك ضعيف يرطب ذكرك لسانه
يرجيك تقبل دعاه وخير الأعمالي
جيتك ضعيف ترك اهله وخلانه
جيتك لجل تغفر الزلات يا والي
يا رب جيتك وزاح الهم واحزانه
نسيت مر الحياة وذقت انا الحالي
يالله يا قابل الدعوات سبحانه
لا تردني خايب ويخيب لي فالي