تركض ورا الدنيا

يا من جمعت المال وش ينفع المال
ما دام مالك ما نفعك بحياتك
تركض ورا الدنيا وعلقت الآمال
وان مت والله ما تفيدك غناتك
ان ما بذلت المال في خير الأعمال
تندم ويندم من يسوي سواتك
العمر فاني والملذات تنزال
ويبقى عملك الزين وأحسن صفاتك
قدم وتلقى راحت الفكر والبال
ولا تندفع نفسك بكثر شهواتك
الناس في دنياك نازل ورحال
ابعد نضر عينك وعينك مراتك
كم واحدٍ ورثه يقسم على الحال
خذ عبرةٍ تنشاف باربع جهاتك
يا كثر ما يجري نزاعات وجدال
ادروس غيرك عبرةٍ لك وجاتك
حقيقةٍ ما هيب من ضرب الأمثال
دقق وعوّض كل ما كان فاتك
اعطف على اللي حده الوقت للجال
من حر مالك وانفعه من زكاتك
المال بيدينك له اقفاي واقبال
ولا باقي الا ما عملته لذاتك
تلقى الجزاء ياطيب الذات والفال
عند الذي بامره تزيد حسناتك