زمان المصلحة

يا عامل المعروف في غير راعيه
ترجي المثوبة والرجاء صار خذلان
ما ينفعك يوم الطلب عند داعيه
يضيع ما جاله مع الناس عنوان
بعض البشر مهما من الجود تعطيه
لا شكر منه لا ولا كفة السان
هذا زمان المصلحه اصبحت فيه
كلاً رفيقك لا غدى الجيب مليان
الطيب فعله ما تقدر مساعيه
ولا يدركه من به زياده ونقصان
عليك بالطيب وللطيب راعيه
عند الشدايد ما تعذر كحيلان
يرعاني الطيب وعيني تراعيه
عشره متينه ما تقدر بالاثمان
ارافق الطيب ولا نام أوعيه
والبيت ما يبنى على غير عمدان
والنذل لا ينعي ولا أحدٍ ينعيه
حياته وموته سوى ما لها شان