مثل الذهب

غنيت يا القمري مع الصبح بشروق
ولحونك جروح الهوا نقضتها
ذكرتني والقلب هجرس به الشوق
للي حياتي كلها نورتها
تاج الحلا سياسة الفن والذوق
الغاده اللي روح روحي فدتها
لو لي سهم في حبها يدخل السوق
كل البنوك سهومها قفلتها
مثل الذهب في قيمته يرتفع فوق
له قيمه الأحداث ما غيرتها
مدري غلا ولا (سحر) ساقني سوق
ما هو غلا فوق الغلا منزلتها
كني بعدها فاقد العقل مطفوق
بعدين مع هالبنت وش تاليتها
قالت فديتك يا بعد كل مخلوق
وانا عيوني من غلاها بكتها
لو صابني من كثر ما حبها عوق
مالي شغل خطيتي برقبتها
الله يجازيها على الغدر والبوق
لو الليالي غيرت برمجتها