مر الصراحة

وبلشت أنا ما بين خيره وشره
في صدري علوم قديمه ولا أبوح
لأن الصراحة بعض الأحيان مرة
لكن ابكشف ما خفي داخل اللوح
لو الصراحة من وراها مضره
الدمع لو درهم على الخد مفضوح
راعي الردى ماني عليه اتشره
اشره على الطيب من الروح للروح
ويعطيه علم القلب وأبوح سره
ياللي تغط النور ما انته بمسموح
لا صارت الغلطة تجي كم مره
والمشكلة تخلط مع الجد بمزوح
وقول الحقيقة في ضميرك تصره
ولوني بدور مع هل الجاه مصلوح
ما شفت حالي بين ضيق ومسره
نفسي عزيز للعلا تبني صروح
واتعب على الطيب ولو بالمجره
يا صاحبي قلبي له أيام مذبوح
وسهم لفاني منك قلبي مقره
لكن بطوفها مع جرحك جروح
ويعطيك درس وقول لله دره
قال المثل فيما مضى أبعد الشوح
ونظرتك لا تقصر عن الحر ذره
الجرح ياخذ له كذا يوم ويروح
مير الصديق ان راح بتموت حره
وما دام باب القلب لك دوم مفتوح
خل الصراحة بينا مستمره
حسن بن علي الهاجري /دولة الكويت