الآخرة دار البقاء

هذه القصيدة رثاء في الفقيد قاسم بن غزاي القوس العتيبي- رحمه الله وأسكنه فسيح جناته..
الله باقي والبشر راحليني
دنياك هذي كلها أحلام وغرور
الموت سنة كان عندك يقيني
الآخرة دار البقاء خير وشرور
كف البكاء يا عين لا تدمعيني
لو المصاب صعيب والبال مكسور
اليوم ودعناك ومحزنيني
وبعده يودعنا من الناس جمهور
عسى لكم مدخل مع الصالحيني
في جنة تجري بساتينها نهور
تفرقوا بعد الدفن راجعيني
خلوه في داره إلى نفخة الصور
أحدٍ كتابه ياخذه باليميني
وأحد بشماله خاسرٍ جنة الحور
آمنت باللي نطلبه كل حيني
تسبح له الأكوان بالبر وبحور
فيك الورع والطيب لك شاهديني
الدين وافي مع هل الخير مذكور
ما يبدي النمة على الغايبيني
ما يحسد المسلم على مال وقصور
أدوا فروض الله يا الغافليني
ترى العمار قصار وآجالها بدور