بلادي منارة حق

ماهي مجرد أرض هي بوح الالهام
يزهر عليها حيل صوت المنادي
وأكبر كثير وتسميتها لها أحكام
ما نحتويها بالورق والمدادي
هي مجد خالد شع نوره بالاسلام
وأضفت على الدنيا نهار الرشادي
صارت منارة حق للعالم وسام
أطهر مكان الارض ضمت بلادي
الشرع شرع الله حفظناه بحسام
من زاغ عن سنة هل الدين غادي
لو يزرعون بدربنا سود الالغام
حنا النهار اللي يهزم السوداي
حنا مساحات التسامح والاحلام
حنا المثل حنا القيم والمبادي
حنا هل التوحيد للبيت خدام
تبت يدين المعتدي والمعادي
حنا سنام العز ودروع ولجام
ضد العقول التالفة والفسادي
حنا تواريخ الليالي والايام
إحص العدد يا فاهمٍ بالعدادي
يزبن علينا كل ضايق ومنظام
ما يتركنه مكرمات الايادي
نصير بالشدات له عضد وحزام
يبشر بعز وما غدا يستعادي
حنا الحرم يا عارفٍ معنى الاحرام
لك في سموم القيض منا برادي
للراي حكمة مستنيرة بحكام
حنا العقول الراجحة والسدادي
نجلي الضلالة والغشاوة والاوهام
حنا بعون اللي عليه اعتمادي
رفرف علمنا شامخٍ بين الاعلام
ضم الحقيقة كلها والوكادي
هذا الوطن هتان يا عشب الاقلام
هلت على كل القصايد بلادي