نعم الاسم والعزوة الفيصلية

الله يجازي راعي الخير بالخير
شيخ الكرم والطيب جزل العطية
مليكنا الغالي رسم خطة السير
بالخير ساس المرجلة والحمية
عبد الله اللي له معزة وتقدير
كريم واليمنى الكريمة سخية
مكارمه مثل المزون المزابير
حياة شعبه في وجوده هنية
بقلوب شعبه صور الحب تصوير
حبٍ تمكن بالقلوب الوفية
وبوجيه شعبه للغلاء ألف تعبير
للحاكم العادل حميد السجية
من طيب أبو متعب سليل المشاهير
الشعب حبه والمحبة قوية
يعطي ولا يحسب حساب المخاسير
مزيةٍ يا طيبها من مزية
عساه يبطي حي شيخ المناعير
له وقفةٍ وقت الشدايد جرية
مواقفه عز وبطولة وأساطير
نعم الاسم والعزوة الفيصلية
الأشعار في مدحه صفوف وطوابير
تاج القصيد وعزوته الأولية
عاش أبو متعب منبع الجود والخير
ساس الكرم والطيب جزل العطية