غنيت له شعري

مرت سنة يا سعود ما فارق البال
له في حنايا الروح روحه وجيه
غايب عن عيوني وبالبال يختال
ومالي بغيره لو يقولون نيه
القلب له يا سيد الحرف مدهال
حتى ولو طوّل غيابه عليّه
غنيت له شعري على كل موال
ووفيت له مثل الخوي لخويه
أطرق عفر يبطي به الشعر يحتال
تحتار فيه حروفه الأبجدية
مثل البشر لكنه أسطورة أجيال
ما يحتويه الوصف والشاعريه
على كثر ماني مع الناس رحال
ما شفت من ذرية آدم حليه
في غيبته مرو على عيني أشكال
وللحين ما مرو على العين زيه