صدى النوح

بصمة

الهوى مباح والوقت أصابع صوفي
آه.. يا ثقل الخطاوي هكا العصريّه
اطرد امواج البحر لين يكسر شوفي
ما ملا عيني.. من العابرين بنيّه
ما تبلّين الورق يا سحابه طوفي
بانتظر هتان.. واشره على وسميّه
آه.. يا طول انتظاري ومكثر خوفي
طاح شمس.. وشمس أخرى بعيني حيّه
جيت ابا اكسر هالدقايق وطال وقوفي
كن هالساعات دوراتها عكسيّه
كانه احساسي صدق بالوعد ما توفي
البحر مثلي بعد عاشق حوريّه
قلت ابا اشعلها لياليك رغم ظروفي
يا صغير السن.. باقي بعد صيفيّه
واقبلت مثل البخت بالحرير الموفي
واختلط جمر التباريح.. والحنيّه
خالفت سرب الحمام ورعت بكفوفي
ولي.. اتعبني صدى النوح يا قمريّه
ثر حبّات القلق فوق خطٍ كوفي
ليلة البارح ما هي ليلةٍ عاديّه