الفرق.. والفرق

بصمة

بعض الغلا (منحه) وبعض الغلا (سرق)
وبعض الغلا ذاته.. وسيله وغايه
والناس بحر من سبح باكثره غرق
وكم عين عذبه فيه ينشد ظمايه
انت بحياتك أصدقا.. تعرف الفرق
وأنا حياتي كلها باصدقايه
تظن نفسك شمس تلقاهم الشرق
مطلعك.. والمغرب مجرد نهاية
مثل الضنا مضني غلاهم وله طرق
تاخذ برجلك للفجر والبدايه
والرابط ارواحٍ توافق.. مهو عزق
ولا ينتخطط له ولا هو (بنايه)
مثل الشعر ما تلمسه مثله البرق
ما يوصف برايي.. وكل ورايه
آيا صدقايه.. يا أنا مالعاورق
من يوم ضلعي رد لآخر عوايه
وزرقٍ بحلقي قبل لاسرح الزرق
طفل كتبكم وارتعش بالقرايه
ياللي شواربكم بعيده عن الدرق
لكم عليّه قبل نسلي وصايه
شخص بحياته اصدقا والبس الفرق
شخصي حياته كلكم يا اصدقايه