الليل والقمراء

أدري وكني يا دعج العين مدري
يا غاية المطلوب يا بلسم الروح
ما ودي أن الليل يالترف يسري
الليل والقمرا وصوتك هو البوح
ليتك تقبل يا هيف الوسط عذري
يا مسبب جروحٍ ويا مداوي جروح
يا ملهمٍ في كل الأحوال شعري
قلي تعال أجيك قل روح أروح
يا غايتي لو تنضر الحال مبري
بقول من حبك وبعدك ومسموح
أنتي قمر ليلي وبالصبح فجري
وأنت النصيب انكتب لي على اللوح
رهنت لك يا غاية الروح عمري
لو بيننا صوحٍ تعلا على صوح
واشعلت لك من نار الأشواق جمري
وصدري ليا مني تذكرتك يفوح
والله ما أملك شي يمك من أمري
قل لي تعال أجيك قل روح واروح
شافي بن عبد الهادي بن راجس