صحبة رجال الطيب

الناس صح أجناس صالح وطالح
وكلٍ حسب عقله وفكره وميزه
العاقل يميز بغاوي وصالح
يعرف أصيل المجتمع من لفيزه
والجاهل تغره هدانٍ ممالح
متساوية عنده وكلش يجيزه
ماهيب بالمظهر ولبس المشالح
والمال واللي ورّده من حفيزه
هي بالصخا فزعة رجالٍ فوالح
الطيب فيهم والحميه ركيزه
الصحبة اللي تنبني للمصالح
عندي فلا تسوي ولا ربع بيزه
أشوم عنها مارد العد مالح
عنها أنا والله نفسي عزيزه
ما طاب لي صحبة وجيهٍ كوالح
وصحبة رجال الطيب عندي غريزه
ومن ما ستشرني مثل ما قال شالح
ماجيه لو أبه عن الناس ميزه
الصحبة اللي تنتهي بالمصالح
صحبة نفاق وكنها كرت فيزه