ما ينفع تمني

رحت أنا مثل السحاب اللي يفرقه الهوى
لا تلاقينا عقب مدة يفرقنا الطريق
آه من درب على ربط المواصل مانوى
ينقذ اللي في بحر حبه هوى وصبح غريق
تصطلي نار المحبه في خفوقي وستوى
قلبي اللي من عنا وقته توقد به حريق
لا هدا قلبي ولا غيره من الناس اهتوى
ولا يبي من دنيته غيره ولو يشرق شريق
كل ما تعتم سماي وتضوي القمرا ضوى
نجمه اللي من وهج نوره يزهيه البريق
والتفت له في عيون ساقها قلب عوى
تخطف النظره على شوفه وتسرقها سريق
في جمال غايرٍ منه الجمال اللي احتوى
والله اللي كمله بالزين وأصلٍ له عريق
يا عذاب اللي تولع في هواكم وانكوى
كانه اللي ما روى منكم ولو بلات ريق
اسعد الله شوفتي وياك في درب سوى
نقطف ازهار المحبه وسط بستان وريق
مار ما ينفع تمني بالزمان اللي طوى
خافق المجروح مثلي دارقه والله دريق
ورحت انا مثل الذي يتبع سراب مع هوى
لا تجمع لي سحاب ولا توحد لي طريق