دمعي تساقط

مات حبي وعمري في غرامك قضى
ما نفعني غلاك ولا شفع لي غلاي
ما بقى منك فيني غير جمرة غضى
ولعت وسط جوفي لين رمد حشاي
رحت عني وضاق بعيني أوسع فضا
وراح قلبي وراك ولا وصل له نداي
حكمة الله ونومن بالقدر والقضا
والأمل جا سحابه لين غطى سماي
وأبرق الغيم وأرعد في عيوني وأضا
ومنه دمعي تساقط لين بلل يداي
قالوا أهل المحبة عايشين مرضى
قلت لا والله إلا الحب هذا دواي
مير أبنسى جميع اللي مضى وانقضى
وأطلب الله وربي ما يخيب رجاي
أحمد فهد الصميت