صقر العروبة

المدح ماله عنك يا طير حوران
صقر العروبة أبو متعب ذرانا
عاش المليك مثبتٍ خمس الأركان
اللي على الدين الحنيفي غذانا
نعم نحبه داعم حقوق الإنسان
وحنا عياله لا تخير حدانا
نعشق طموحه وقفته وسط ميدان
سيف مجرب ما تهزه يا عدانا
حنا عرب حنا قبايل وشجعان
حنا نهار الكون بيّن وفانا
ليا اتقت شمس الضحى وسط دخان
وغاب الضوى عنا وظلم سمانا
تلقى لنا وقفه وعلم وبرهان
ونرسى كما ترس الجبال بوطانا
حنا حمايل نجد في ماض الأزمان
تخشى العدى سطواتنا من قسانا
محمد عبدالعزيز الهاملي المطيري