ساد الامن

تحققت احلامنا في ذرانا
عبدالعزيز اللي بنصرة صعدنا
ارسى قواعدها وحقق منانا
حنا على نهج ابو تركي وردنا
من ملك ابوه وملك جده عطانا
ساد الامن عقب التشتت بلدنا
من اول جوكم خذوكم خذانا
من منة الله فاخ حامي جلدنا
عقب الاخير ارفخ صعبها ولانا
المملكة يوم ابهلت ماجحدنا
من اول يطرد عشانا غدانا
ارث افحول مثل اباها من ادنا
لولا هذولا كان ينكس عمانا
فهد ملكنا سورنا هو مددنا
مع رايته حنا اجنوده ترانا
لك يا ملكنا كل ابونا شهدنا
انك على وضح النقا ملتجانا
انت الذي تسهر وحنا رقدنا
شبعت نحايا المملكة واقصرانا
ولي عهدك بالمروفه سندنا
عبدالله المحبوب فضله وزانا
في راي ابو متعب رمينا وصدنا
عادات عبدالله رفع مستوانا
وسلطان يا سلطان ثالث عمدنا
النائب الثاني مروي ضمانا
سلطان ابو خالد الفعلة حمدنا
هو درعنا هو قدمنا هو ورانا
انتم بذرتوا بالديار وحصدنا
ياللي علينا شكركم من سمانا
لوما الله الاعلى ثم انتم قعدنا
مثل الزمان اللي مضى في شقانا
الله يخلي للرعية فهدنا
وصلوا على اللي بالرسالة دعانا
سليمان عبدالله القرزعي - عنيزة