إلا النبي

الوقت يخفي ورا بيبانه اسراره
والغيب لله الواحد ومقسومه
به ناس مرتاحه وبه ناس محتاره
وبه ناس معطيّه وبه ناس محرومه
دنيا موزع عليها القادر اقداره
الواحد اللي شهر تسعه له نصومه
يا أحفاد الأبطال ردوا الذاكره تاره
لأمجاد الاسلام واجلوا جملة همومه
الوقت دوار والأيام دواره
والآدمي ما يموت الا على يومه
يا أصحاب الإسلام يا ناسه ويا انصاره
قوموا دفاع عن اللي بادر هجومه
منكر ويلزم علينا نعلن انكاره
مليار نفس على الانكار ملزومه
نقطع عن الغرب ميراده ومهداره
ونصحح للضايعين الغرب معلومه
صحيح نخطي ما دام النفس اماره
بالسوء والنفس أبد ما هي بمعصومه
لكن الإسلام لا مسوه بعباره
تصحي المسلم اللي غارق بنومه
إلا النبي يا دعاة السوء وانصاره
لا تقربونه برسمه حقد مسمومه
المصطفى اللي اصطفاه الله واختاره
وخصه بميزات وبقدرات من قومه
في قو عزمه وفي صبره وباصراره
حرر نفوس بسجن الشرك مظلومه
وفي نور هديه وفيما جاء باذكاره
ينور قلوب مرضاته ومهمومه