أهلاً وهلا وتحية يا بن سلوم

فرحه وبهجه يوم زرت المكانا
اهلاً وهلا وتحيه ببن سلوم
بوزيرنا المحبوب يومه لفانا
شقراء ترحب بك على دائم الدوم
ترحيب اهل الدارهم واقصرانا
اهلاً سكنت القلب مانتاب محروم
بفعلك وتوجيهك وصلنا منانا
انت الذي ساويت ضلعان وحزوم
بتوجيه ابو فيصل سبقنا الزمانا
العاهل اللي صار للشعب قيدوم
قاده بعلم وحلم والله عطانا
لعل ابو فيصل عن الشر معصوم
القايد الرائد بفضله كسانا
ايضا ولي العهد للراي زيزوم
إليا احكم الخطه برايه شفانا
يوخذ من افكاره سياسيات وعلوم
يشيل حمل المملكه واقصرانا
النائب الثاني له علوم وعلوم
فكره غزير وجم فكره سقانا
حاكم حكيم محكم ما وطى اللوم
كلام موجز ما نطق بهذيانا
كلام ابو خالد دساتير قوم
للشرق هو والغرب واللي لفانا
نايف مثل سلطان للشعب والقوم
للشعب رحمه والعدو له ايهانا
للشعب سمن وللعدو كأس مسموم
نظف جوانبها ونظف المكانا
سلمان رمز للثقافات معلوم
رمز الرياض وعزها ماستعانا
يقدح من افكاره تخاطيط ورسوم
عالم بتصريف الدهر والزمانا
سلمان لبسها الذهب تاج ونجوم
عروس عام الفين نور المكانا
العاصمه تفخر بسلمان وتحوم صيته
فوق الدول غدا له مكانا
من قادها سلمان والخير مقسوم
خالط نفلها روض مع قحويانا
ريحت نسمها ورد وان قلت يشموم
طل سقاها عقب وسم سقانا
اختامها مني صلاة على الدوم
صلوا على المختار والله هدانا
مع تحيات الشاعر
سعد بن صالح الجميعي
من أهالي شقراء