حق الأم

من عدنها بالجنوب ليا حدود اللاذقيه
حسنها ما شفت مثله جل خلق اللي خلقها
ولا هقيت انه بقى للزين بالدنيا بقيه
الله اللي عن جميع الناس والعالم فرقها
الرموش جيوش صفت واللواحظ بندقيه
الله أكبر (بندق الخياط) ما يخطي تفقها
والله اني من ثلاث شهور وعيوني شقيه
ودوحة أحلامي رياح الياس قد حتت ورقها
يا عرب مجنون فيها والقضية منطقية
زينها شيٍ عجيب ولا يلام اللي عشقها
حبها في وسط قلبي له مكانه وأسبقيه
وفي عيوني بالجمال وبالحلا ما حدٍ سبقها
والهوى دامه عفيف ونيتي بيضا نقيه
ما التفت للوم واذني عن كلام الناس صقها