الوقت

من لاهبٍ بالكبد سبب وقايد
يا ناس ياللي بالحقايق تهرجون
هاتو كلام الحق والحق رايد
قولو لناسٍ في دجا اليل يلهون
ماهمهم وقتٍ مضا صار بايد
الوقت يشرا بالذهب لو تعرفون
ياللي نويتو قتله بلا فوايد
كم ليلةٍ راحت ولا انتو تحسون
واليوم كان اقفا فلاهوب عايد
والوقت هو عمر البشر بس ينسون
ان الزمان اللي يجي له جدايد
والعمر واحد ان مشا عجل او هون
لا هوب ناقص لا ولا هوب زايد
خلو جميع العمر لله تكفون
لا تهملون الدين وايضا العوايد
لازم حقوق الناس للناس تعطون
بامر الذي يرسل بروق ورعايد
لجل انكم في مرتع العز تحيون
لا تحسبون الطيب ماهوب كايد
يالله ياللي ترسل الريح بمزون
احفظ علينا ديننا والعقايد
هاني بن محمد السلوم /شقراء (القرائن)