أنت.. وأنا

يا الغالي إلى غلاه ان طاح بالقمه
اسمع كلامي وسرك في عواتقنا
دامك تسمع كلام الناس والنمه
عز الله انا اثنين ما ترافقنا
انته وانا كل واحد معطى يمه
منا من الصيد لجل تقول تدرقنا
انا احسب اذنيك يا مزيون منصمه
عن هرجتَ إلي شفا حاله يفرقنا
يقوله اللي كثير الهرج ما همه
لو هرجة الناس يالغالي تلاحقنا
واللي يسمسر علومه مالتفت يمه
دام الذعاذيع يا مزيون تطرقنا
الباس بالراس واصل الطيب في دمه
ولا كل مشروب يا رعبوب يشرقنا
ما هي كسابت ضعيف رقاق جمجمه
ابٍ عن الجد واصل في معامقنا
اشتت الشر وانت تغير وتلمه
وتصدق الناس فينا ما تصدقنا
وانته اليا انضمت صحت وقلت يا يمه
وانا اليا انضمت قمت ازهب بنادقنا
اورد اللي قصر حبله عن الجمه
واقصر حبال تبي كسرت بيارقنا