هذا يوم الوطن

ألا يا الله يا مجري الرياح ومنزل الأمطار
وبيدينك نفوس الناس تهلكها وتحييها
ترد الكيد لأصحاب المكيدة وأقصد الأشرار
خفافيش الظلام اللي عسى ربي يجازيها
وأنا بمناسبة يوم الوطن بكتب مع الشعار
بيوت الشعر بكتبها وألحنها وأغنيها
هذا يوم الوطن نفدّ الوطن بالمال والأعمار
وعيناً ما تحرص الدار رب العرش يعميها
لنا تاريخ مجداً مشتهر من سيره الأخبار
ودولتنا عزيزه كل منّا يفتخر فيها
سعوديه علمها كلمة التوحيد فيه أشعار
لذلك يشهد التاريخ حاضرها لماضيها
قبل مده تذكرنا مئة عام لها تذكار
قرينا قصة الأجداد للأحفاد نرويها
طلع صقر الجزيرة في الجزيرة شعت الأنوار
وعم الخير قاصيها وعم الخير دانيها
عسى الله يرحمه ويسكنه في جنة الأبرار
بحكم الدين ثبت ساسها وأرسى مبانيها
وقادتنا لهم في قلوبنا حب ولهم مقدار
لهم توجيه عزم وحزم وسياسات نمشيها
وأنا عندي نصيحة والنصيحة بيت باختصار
أشوف إن النصيحة واجبة ما ني بمخفيها
ترى كلا محاسب عاذنا الله من لهيب النار
ومن لا راقب الله لا محاله رائح فيها
وأختمها بذكر الله وصلى الله على المختار
عليه أزكى سلامي والصلاة اللي نصليها