الفقيد اللي عليه الدمع هلا

وأهتدى بسنة نبيه والصحابه
وعظّم الله أجر من هلل وهلا
واعتصب بالدين يانعم العصابه
وامتثل بالصبر وبصبره تحلّى
في ضحى الاثنين صابر في مصابه
وآه يالاثنين ياهم تولّى
واستكن الحزن في الدار ومشابه
في وفاة العاهل اللي ما تخلّى
عن مواجيبه ولا ضيّع أوجابه
قادنا للخير وبحنكه تعلّى
والسفينه قادها فوق السحابه
طوّر التعليم مابه يوم كلا
واعتلى للأمن لين الكل هابه
واصبحت طيبة ومكة له محلا
والطباعة باللغات شي اعتنابه
قدم النهضة وسجّل له سجلا
في حياة زاهرة كلّ حكابه
والعزا في النفس يوم الامر حلا
قدرة المعبود حق له واصابه
يالفقيد اللي عليه الدمع هلا
من عيون الشعب يوم إعلن غيابه
وانجلى صبح لنا قام يتجلّى
ف أبو متعب والحزن قشع ضبابه
والولاء للي بظله نستظلا
خادم البيتين يوم الشعب اجابه
ولولي العهد عهد ما يخلّى
ابو خالد كاسب عز ومهابه
والولاء منا وفاء فينا جبلا
في رضيع المهد والشايب تشابه
والدعاء من ساجد كبّر وصلّى
مهتدي بسنة محمد والصحابه
نايف بن غزاي بن حليمه