يا فارس الفرسان وداعاً.. شعوب الشرق كله ترددها وداعاً من الوجدان يا ساكن الوجدان مقرك قصور بالحنايا مشيدها ألا يا دموع الحزن.. زيدي من الأعيان وهلي وخلي الدم الأحمر روافدها فقدنا عظيم اعظم من الشعر والقيفان ولو انها تبكي بفقده شرايدها وتبكي وتبكي.. والبكا ما يفيد الآن لكن هذي الدنيا وهذي عوايدها بكينا عقب غيبتك يا مشيد البنيان وتبكي عليك الدار واشرف مساجدها ويبكي عليك مجمع اطباعة القرآن وخيراتك اللي ما استطعنا نعددها وتبكي عليك القدس ويصيح لك لبنان والأمة غدت مثل اليتيمه يا والدها ألا يالزعيم اللي تدوس الخطر لا بان والا شاعت الفوضي برايك تركدها ترد الحقوق حقوق.. وترجّع الأوطان وتغني شعوب بجود كفك وتسعدها بك المجد والتاريخ يا سيّدي يزدان والاحداث في قرن مضى ابرز شواهدها تخطيت في علم السياسه مدى الازمان وتعرف السحايب قبل تسمع رواعدها حكيم حباك الله بصيره.. وعلم.. وشان وكنت المضحي لاجل الأمة وقايدها وداعاً نرددها.. وإلى جنة الرحمن شعوبك على ذاك العهد يا معوّدها على الحب والإخلاص بالسر والإعلان وعهود الوفاء تبقى كما كنت رايدها بعد ما خلفك برفعة الرايه كحيلان أبو متعب سنينه عسى الله يمددها ويبقى ذخر للدين والخير للإنسان أبو الشعب والدار ومنمّي مواردها ابو متعب اللي لا وقف عند كايد هان بسطوة شرف روس الأفاعي يهجّدها عزيزٍ معه نخوة عروبه.. وعمق إيمان على الخير والمعروف نفسه مجاهدها نجدد له الميثاق ولنايبه سلطان أمير القلوب ابو الشهامه وسيدها لهم نعلن البيعة مع المسك والريحان تحية وفاء والبيعه لهم نجددها ويبقى السعودي في سلامه مثل ما كان وتبقى السعوديه واهلها سواعدها تحت ظل قادتنا.. أبو متعب وسلطان دعانا من الوالي خطاهم يسددها
