منزل الفردوس الأعلى

كل شخص من عميق الحزن دمعه هلّه
في فراق القايد الفذ الزعيم الغالي
آه والفرقا قساها بالضماير ملّه
والقلوب من الفقيد كنها بالصالي
والله إن الحزن في فقده يجلجل كلّه
والعيون تسح دمعٍ كنّه الهمّالي
وأمّة الإسلام تذرف دمعها وتهلّه
وترفع أكف الضراعة للعظيم العالي
يرحم اللي بالسعد كانت تعيش بظله
يالله إنك ترحمه في رحمتك يالوالي
ويالله إنك تنزله في منزل يعمل له
منزل الفردوس الأعلى عالي العنزالي
ويا عسى قبره هماليل السحاب تعلّه
لين تنبت فوقه الأزهار بالأشكالي
الزعيم اللي تزعّم دولته بالملّه
أشهد انه حاكمٍ تضرب به الأمثالي
الزعيم اللي حبال المعضلات يحله
اشهد إنه نادر في نادر الأفعالي
الزعيم اللي خدم في خدمته بيت الله
أشهد انه عندنا غالي وفعله غالي
قايد تاريخه أبيض ناصع بسجله
قايد ما قاد مثله بالزمان الحالي
أبو فيصل حنكته للطايلات تدله
فهد بن عبدالعزيز وصفوة الأبطالي
والرجاء من بعد أبو فيصل فهد بأخوٍ له
الزعيم اللي مكانه مع مكانه عالي
نجتمع ونبايعك بالحكم يا عبدالله
يالزعيم ابن الزعيم نبايعك يالغالي