حكام الشعر

وبنى قصور في ضميري مقيمه
وأسس قواعد حبنا بالبنايه
ومني صميم القلب عائق صميمه
وحبل المودة بيننا فيه شايه
عشق شريف جعل ربي يديمه
ادرى المناقد عنه وأيضا الزرايه
وأزعل لياجاته حقوقه هضيمه
وأوفيه حقه كان صار بنحايه
من خوف لا تضفي عليّ الظليمة
لكن خلِّي صار فيه إنزوايه
في تالي أيامه حواله سقيمه
جنت عليه أغثاث روحه جنايه
وتصارمته أمراض روحه صريمه
تناوشته أضعاف عرف ودرايه
وداسوا قصوره عقب ما هي حشيمه
حتى شكى حاله وأباح الشكايه
للي رعى بيته ودايم يقيمه
يومه بدرلي في حواله نهايه
وهطال دمعه مثل هطال ديمه
ويقول في منخاه وينه حمايه
مضفي على لباس عزة وقيمه
هذاك هو خلي وبلَّه ظمايه
شعر النبط يا أهل العقول السليمه
وأمراضه اللي ما تجيد الولايه
حواسه قفوره وتجحد قديمه
إما حكو حكام عرفه حكايه
نتايجه بتصير تالي وخيمه
فايز العصيمي