ما اخترت أكون

بعد غياب طويل يعود الشاعر ناصر بن كروز إلى منيخر بحروف نابضة بالحب، والوفا رغم مسحة الحزن الواضحة في ثناياها:
يا أم الحسن . . لو في الحزن حس وشعور
ما كان يكتبني . . قصيده . . قصيده
يبعثر أوراقي وأنا أقول معذور
الظلم . . ظلمة والخطايا عديده
لا تساليني ليش . . منهي ومامور
الحزن حاضر . . والمسره فقيده
ما غير أجامل من سألني . . ومغمور
من الصفات الطيبات الحميده
صادق ما أعرف أخون وألف وأدور
اللي أعرفه . . طيب قلب وعقيده
ولا اخترت أكون اللي له الورد منثور
ولا اخترت أحبك يالعنود الفريده
ما أبيك تلحقني مشاريه وقصور
وما أبيك تقرأ ما كتبت وتعيده
يا نفحة الجوري . . ويا طلعة النور
يا الحب الأجمل . . ياالحياة السعيده
غنى قصيدة حزن باحساس وشعور
بعض القصايد ما تسمى قصيده