الصحبة

الصاحب اللي معي ما هو بمتوازي
أنا أتبرأ منه ما لي معه صحبه
وقت الرخا يا سعد ماني بمعتازي
للي بوقت الشدايد يقطع الصحبه
عليك باللي بفعله كنه البازي
اللي بوقت الرخا والضيق تفرحبه
راع الكرم والوفا حلال الألغازي
هذاك مثل المطر لاهل من سحبه
مواقفه بالرجوله دايم إعزازي
والطيب لاحل بالرجال يمدحبه
وان ما مدحت الوفي حاني ولد غازي
وراي ما مدح عريب الجود واشرحبه
أنا أشهد إنه محقق كل الإنجازي
في طيبه اللي يفوح بروحه الرحبه
كلش ولا اللي لنفسه دوم منحازي
هذاك قلبه ضغين الحقد ينضحبه
عايش بوسط الزراج وخاطره جازي
ولا همه إلا التكاثر يوم يكد حبه
ويوم إن بعض العرب بالطيب تمتازي
الطيب هذا كتابه ما تصفحبه
أبعد من الساحل الشرقي لبنغازي
عن هاللئيم الذي ما يعرف الصحبه
والسالفه كلها تعرف بالإيجازي
والقصد واضح وانا هالحين أبفصحبه
إن ما مدحت الوفي ماني ولد غازي
والا الردي في ردى فعله قضى نحبه