الدمعه اللي سيلت فوق الاوجان جمره تبين فوق خدي حماره إلى ذكرة أمٍ صغيره ويتمان ما شفتهم والليل مسدل ستاره حياتهم فيها الشقاء صار عنوان بعد الهناء حل النكد والكداره والقسوة اللي صورته موت وجدان موت البراءه والحلا والنظاره وآمٍ عليها تكتسي ثوب الاحزان من يحتمل دم الطفل واحتضاره يا طول ليل الهم بعيون سهران همٍ على باب الحشا شب ناره نعيش وقتٍ للغرابيل ميدان فيه الفتن والقتل زاد انتشاره أحدٍ فقد ربع وحبايب وخلان واحدٍ فقد عمه وأحد مات جاره باسباب فكر منحرف دون ربان مثل القطار اللي تغير مساره يا كثر ما يشعل حرايق ونيران وبذهاننا ترسخ بقايا دماره الدين حرم قتل الانسان لانسان وشلون اجل قتل الطفل وسط داره وهدم المباني فيه فسقٍ وطغيان يا ساعي بالارض تفسد عماره والحل تصحيح (العقيده) بالاذهان ترى الغلوا بالدين فيه الخساره دين التسامح والعطاء دين الاحسان هذا هو الاسلام جاء بالبشاره وطاعة ولاة الامر واجب بالاديان والتفرقه تقدح زناد الشراره والدار لاهل المجد والفضل والشان (آل السعود) عز البلد وازدهاره اللي على التوحيد مع خمس الاركان بنوا ديارٍ تكتسب للصداره بعد الصحارى أصبحت روض بستان وفي كل شبرٍ يستثيرك خضاره في ظل قايدنا فهد طير حوران رجل السلام سراجنا والمناره حنا جنود (للملك) نحمي الاوطان وحنا عمى عين العدوا ودماره ورجل الأمن نايف يقوده للامان بالعقل والحكمة وحسن الاداره واهل الامن سيف على كل عدوان اهل الشجاعة والفخر والجسارة ويا ماشي في ركب الارهاب خسران بوجيهكم كلٍ قفل باب داره ترى الندم لا صار من قلب ولسان ينجي مدام العفو باقي قراره وإن كنتم ارهابٍ ترى الشعب طوفان يسقي هَل الارهاب كاس المراره
