ما مات من خلّف

هذه القصيدة في رثاء الفقيد محسن بن شديد المغيبي - غفر الله له وأسكنه فسيح جناته
بسم الذي نزّل محمد والأنفال
ونزّل تبارك والقلم في كتابه
بديت بالرحمان في كل الأحوال
الخالق اللي ما خسر من رجابه
علمٍ سمعته ضيق البال يا خال
والعين هلّت مثل وبل السحابه
عسى جنان الخلد له خير منزال
ويارب فالفردوس كرم جنابه
وارحم عريب الجد والعم والخال
والقبر يا رحمان طهّر ترابه
الطيب اللي عاملٍ خير الأعمال
ما قد هرج في واحدٍ في غيابه
الطيب اللي للرياجيل مدهال
الفارس اللي قل من له مشابه
وما مات من خلّف عقب موته عيال
ما مات من خلف وراه الذيابه
وصلاة ربي عد ما هلّ همّال
على الرسول وربح من اقتدابه