فقيد أمة الإسلام

الله يجبر عزانا فيك يابن الامام
ويجبر عزا الشعب وآل سعود والمسلمين
فهد فقيد أمة الإسلام شرقٍ وشام
بذل حياته وصار العون للأمتين
يبكيه من زار بيت الله ولبس الحرام
وتبكيه عينٍ رأت ما طوره من سنين
يخدم بيوت الله المعبود في كل عام
ويستقبل اللي قصدها من شمال ويمين
اضفى على شعبه الخيرات وأمن وسلام
وعشنا تحت ظل أبو فيصل وحنا آمنين
واليوم في حكم أبو متعب رفيع المقام
عساه للشعب والإسلام حصن حصين
العدل طبعك لبسته فوق صدرك وسام
شعبك يبايعك وانت العدل وانت الامين
يحميك رب الملأ والشعب كله حزام
انعاهدك بالوفا يا سيدي حاضرين
ولي عهدك يمينك في نهار الزحام
سلطان درع الوطن ضد العدا المعتدين
يا الله تحمي وطنا من جميع اللئام
وتجبر عزا الشعب وآل سعود والمسلمين