المجد.. سلطان نبراسه.. وسلطانه

حي الله اللي مشاعرنا تهلي به
أعداد نبت الفياض ورش هتانه
باسمى الولا والوفا يثني تراحيبه
أفراد شعب سكن سلطان وجدانه
وأسمى المشاعر وفا سلطان تحكي به
وبقدومه قلوب شعب الخير فرحانه
رجل العطاء والوفا والعز وألهيبه
والمجد سلطان نبراسه وسلطانه
بالحب للخير والمعروف والطيبه
مواقفه ساميه للكل واحسانه
في هامة المجد راسيةٍ مقاضيبه
بالفعل وافعال راعي الطيب برهانه
فرض بطيب الفعل قدره وتوجيبه
مزبان من ذاق مر الوقت وأحزانه
سلطان ماله عن النجدات تجنيبه
البذل للخير والنجدات عنوانه
سلطان بين العرب فعله نماري به
والروح والقلب قبل العين مسكانه
سلطان مجده وتاريخه وأساليبه
تاجً على شعبه الوافين وأوطانه
نطلب عسى الله يمهل له ويبطي به
ويدوم عز الفهد للدار واخوانه