قطف.. وبقشة

من قال وش ذا قلتنا (القطف) للهيل
في مجلس بين المناعير بادي
- ولحب خولان - نقي من الغرابيل
نجره لعطران الشوارب بنادي
- والبقشة - أم الهيل - والقرف - والميل -
والزعفران وحق عطر الزبادي
ياما وياما جالها من تنافيل
مع كل نشمي لبيته مرادي
هذي وذاك القطف بين المعاميل
من زينة المجلس تباري الجدادي
يا جعل انامل شكلت ها لتشاكيل
ما تشوف في الدنيا حياة الزهادي
اللي ابدعتها من هوات الرجاجيل
بنقشٍ يشاف إيهز شوق الفوادي
واليوم غيب جيلها وابتدى جيل
جيل القواطي ناب عنها وكادي
عبد الله حمير أل سابر الدوسري